[[Categoria:Pagine che usano RigaIntestazione|Goldoni - Opere complete, Venezia 1915, XX.djvu{{padleft:95|3|0]]

Titta Nane. Veggio farme piccare^{[lower-alpha 1]}, ma avanti, sangue de diana, ghe ne voggio colegare ^{[lower-alpha 2]} tre o quattro!

Toffolo. So qua. Come xéla?

Titta Nane. Arme, fora arme.

Toffolo. Mi no so gnente. (corre via e s’incontra violentemente con Isidoro urtandosi, ed Isidoro dà una spinta a Toffolo e lo getta in terra)

Isidoro. Ah bestia!

Toffolo. Aiuto.

Isidoro. Con chi la gh’astu? (a Toffolo)

Toffolo. I me vol dare. (alzandosi)

Isidoro. Chi è che te vuol dar?

Toffolo. Titta Nane.

Titta Nane. No xe vero gnente.

Isidoro. Va via de qua subito. (a Titta Nane)

Vicenzo. Nol la gh’ha co elo, lustrissimo; el la gh’ha co Beppo e con paron Toni.

Isidoro. Va via de qua, te digo. (a Titta Nane)

Vicenzo. Via, andemo, cognè obbedire, cognè ^{[lower-alpha 3]}, (a Titta Nane)

Isidoro. (Menèlo via, paron Vicenzo, e tegnilo con vu, e trattegnive sotto el portego^{[lower-alpha 4]} in piazza, dal barbier o dal marzeretto^{[lower-alpha 5]}, che se vorrò, se ghe sarà bisogno, ve manderò po a chiamar). (a Vicenzo)

Vicenzo. (Sarà obedìa, lustrissimo). Andemo. (a Titta Nane)

Titta Nane. No voggio vegnire.

Vicenzo. Andemo co mi, no te dubitare. So omo, so galantomo, viè^{[lower-alpha 6]} co mi, non te dubitare.

Isidoro. Via, va con elo; e fa quel che te dise paron Vicenzo; e abbi pasenzia, e aspetta, che pol esser che ti sii contento, e che te fazza dar quanta sodisfazion che ti vol.

Titta Nane. Me raccomando a ela, lustrissimo. So poveromo, so galantomo, siò cogitore; me raccomando a ela, siò cogitore lustrissimo. (parte)