| Questa pagina è ancora da trascrivere o è incompleta. |
L’è sia a Roma, l’ha faa de segretari
A on cardinal, sebben noi savess scriv;
Per licenziali l’han faa Protonotari
Apostolici!, e quest l’è ’l gran motiv
Che adess el bóffa[1] pesg che né on boffett
E ch’el va a voltra con quij bei colzett.
Quell coi brasc in sui fíanch sul gust d’on olla
L’è Don Prosper de razza ex-cappuscina:
De novizzi el ciamaven fraa Biciolla;
Ma, de che l’è tornaa de Palestina,
El spara de quij sít ball[2] senza fin
E el passa per un Tuli[3] in collarin.
Cacciador per la vita, ostariatt.
Col don de Dio d’ave semper set.
Ecco, ven Don Vittór del nas scarlatt;
L’è staa pret, poeu soldaa, poeu ancamò pret,
Comich, fraa, vicciurin[4]^ l’è tornaa adess,
Fin che noi g’ha de mei, a dí di mess.
Quell pret che ven beli beli, palpaa palpaa[5]
Coi oeucc bass, gonfi, pien, ross come foeugh,
L*è el pover Abaa Ovina, desgraziaa,
Ch’el cerca tapinand[6] de loeugh in loeugh.
De fa sorá[7] el dolor ch’el le bozzira,
Ne’l pò trova solev per quant el gira:
[8] . . . . . . . . . . . . . .
- ↑ boffa, ecc.: (ofHa come un tofTietto. cioè li pavooeggia. (Nota transclusa da pagina 189)
- ↑ spara.... ball; ipaccia.... frottole. (Nota transclusa da pagina 189)
- ↑ Tulli in collarin: Cicerone in abito da prete. (Nota transclusa da pagina 189)
- ↑ vicciurin: vetturale. (Nota transclusa da pagina 189)
- ↑ palpaa: floicio, lento. (Nota transclusa da pagina 189)
- ↑ tapinand : va come un tapino. (Nota transclusa da pagina 189)
- ↑ lori : sollevare. (Nota transclusa da pagina 189)
- ↑ Qui doveva seguitare un episodio patetico, in cui si raccontavano le disgrazie, che al " pover Abaa Ovina " erano accadute: egli era stato calunniato da un finto amico; la Curia l’aveva sospeso a dioinis e in ultimo fatto cacciare entro una prigione; conosciuta finalmente la sua innocenza, rimesso in libertá, trova la madre moribonda. Di questo squarcio, che non fu compiuto, riferiamo le ultime quattro strofe, dalle quali si conosce qnanta potenza avesse il Poeta anche nel patetico: la scena è nelle vicinanze del Lago d’Orta. (Nola di T. GROSSI; ediz. 1821).