< Pagina:Porta - Poesie milanesi.djvu
Questa pagina è ancora da trascrivere o è incompleta.

EL TEMPORAL

(-1817)

Carolina, varda, varda
Come sguizza la saetta,
Che tronada malarbetta!
Sent el turben che ingajarda.

Se quell ciall de don Galdin
Noi desmett con quij campann,
El forniss cont el tirann
On quej fulmen sul coppin.

Carolina, Carolina,
Minga in gesa per amor!
Va a toeú i ciav, prest prest, cor cor,
Ciò giò, andemm tutt duu in cantina.

Ciò giò, andemm, no te dubitta
Che quij bcj zifer morell[1]
Pitturaa sott al bocchell
Del mezzin[2] salven la vitta.

Che s’ciaró!... Santa Maria!
Franch l’è on fulmen ch’è s cioppaa.
Che?... Perchè mi hoo bestemmaa ? . . .
Mi?... Set matta! va on poo via.

  1. ↑ ziifer morell: le cifre o motti dipinti in tinta azzurra (morell) sul boccale. (Nota transclusa da pagina 228)
  2. ↑ mezzin: vaso di majolica con beccuccio, che usano i contadini nelle cantine, della capacitá di mezzo boccale. (Nota transclusa da pagina 228)
Questa voce è stata pubblicata da Wikisource. Il testo è rilasciato in base alla licenza Creative Commons Attribuzione-Condividi allo stesso modo. Potrebbero essere applicate clausole aggiuntive per i file multimediali.