Che brava tosai che desgaggladonna,
(Diseva in tra de mi) che tosa d’ori
L’ha d’ess propri el restor,
£1 dio-fece, de la cá Marchionna!
E, matt adree st’ideja,
Cuntava ansios e recuntava i dí
Ch’aveva de patí
Denanz menamm a cá sta maraveja.

Finalment quell beli dí, quell di trii so,
Saludaa al prim spenta don battajon
D’occh, barbasgian, cappon,
Quajott, gasgiott, lorócch, merla e cocó^[1],
Quell dí fissaa lá su
Per compagnamm con tutt sti razz d’usij
E compí i mee legrij,
L’è compars finalment, dighi, anca lu.

L’èva el beli sabet grass. Tutt èva in pront:
La Tetton, per la prima, in gran parada;
Ciò, fin la fiacca in strada,
Ona fiacca campagna^[2] e de tutt pont,
De moeud che inanz mezzdí
L’èva giá adree in Brovètt el Bolognin^[3],
In faccia ai duu padrin,
E ai soeu scricciatt a bolognalla a mi.

Fornii el face in Brovett, alto lí allon
Se va, trott e galopp, anca a la cura,
Poeú al pastegg^[4] adrittura,
Poeíi al cors, poeú a la rassegna di ballon^[5],
Poeú al Carchen, al Lentas,
Al Rè, a la Canobbiana^[6], «p^eú al risott,
Poeú a la messa ai Carott^[7],
Poeú ai tortij, poeú al rosoli in del Cambias^[8].