In d’on secol che asquas tutt i poetta
Se la caven coi sogn e coi vision,
Doma mi dovaroo sta a la stacchetta?^[1]

Doma mi dovaroo ave suddizion
De vestimm a la moda, perchè sont
On poetta baloss e buseccon?

Mai pu: resguard, rossor, vergogna a monti
L*è me el vestii, nissun me l’ha imprestaa;
Chi ha d’ave vegna a scoeud^[2], í pioldi^[3] hin pront.

Musa, che te m’ee vist indormentaa,
A salta per el lece come on uscii,
Juttem a cuntá su el brutt sogn che hoc faa.

Comenza in prima a spacciugá^[4] el pennell
In la seggia del negher, e picciura
La cá in dove sont staa cont el cervell.

La cá la gh’ha ona porta scura scura
Fada a bocca de dragh con tant de dent,
E sui dent gh’è ona riga de scricciura

Che la dis: Pover lu quell che va denti
Su la porta on lecchee^[5] cont i pee d’occa
El fa lum ai paroll coi torc de vent.