[[Categoria:Pagine che usano RigaIntestazione|Straparola - Le piacevoli notti I.djvu{{padleft:313|3|0]]Santì, fradèi menòr, e sì glie dis: A’l sarèf lü bòna^[1] spisa, fradèi me car, a-zò^[2] che nos pader no vendis^[3] quel poc de terezuli^[4], ch’a’ se trovém avì, e che dapò^[5] la sò mort no n’avessem de che sovegnis^[6], che vu andassef cercand del mond^[7] e guadagnà qual cosèta per podì sostentà la nostra^[8] ca, e mi resterèf a ca col veg’^[9] e a’ sì ’l governerèf^[10], e sì scansesom^[11] la spisa, e in quest mèz fors passerèf la carestia. — Bertaz e Santì, fradèi menòr, ch’a’ no i era manco^[12] scaltridi e tristi de Zambò, a’ i dis a Zambò so fradèl: Zambò, fradèl nos car, te n’hé^[13] saltò ixí a l’improvista^[14], talmentre^[15] che no savém che responder-te; ma da-ne temp per tüta sta nog’^[16], ch’a’ ghe pensarém sü^[17], e domatina^[18] a’ te responderem. — I do fradèi, Bertaz e Santì, a’ i era nasüt in ü portat, e sì a’ i se confeva più dol çervel in sema lòr do, che no i feva con Zambò. E se Zambò iera scelerat de vintidò carat, Bertaz e Santì a’ i era de vintises; chè sempermà, dove manca la natüra, suplis l’inzegn e la malizia in sema. Vegnüda che fo la matina dol dì seguent, Bertaz, de orden e comissiô^[19] de Santì, so fradèl, andà a trova Zambò, e sì ghe comenzà a dì: Zambò, fradèl me car, nu avém bé pensat e mèi considerat^[20] i casi^[21] noster, e cognoscend che te sì, com l’è vira^[22], ol mazòr fradèl, che te debi andâ