[[Categoria:Pagine che usano RigaIntestazione|Straparola - Le piacevoli notti I.djvu{{padleft:315|3|0]]trovat partit negü per lü, e no avend nè denér gna da mangià, ol stava de mala vogia^[1]. Ma dapò long^[2] camì, quando fo in piasì de Domnedé^[3], ol arivà a Lezafosina^[4]: e per che l’iera senza denér^[5], negü ol voliva levà, talment ch’ol pover om^[6] no savia che fà; e vedend che i bezzaruoi, che voltava i stroment da tirà sü i barchi, i guadagnava di quatrì^[7], ol se mis an lü a fà un tal mestér. Ma la fortuna^[8], che semper perseguita i poveret, i poltrò e i desgraziat, vols che volzend ü tal stroment^[9], a ’l se rompis la soga^[10]: e int’ol desvoltà ch’ol fé, una stanga ghe de in d’ol pèt e ol fé cascà in tera tramortit, e per un pèz a’l sté destis per mort; e se no fos stag’^[11] certi omegn^[12] da bé che ’l portà in barca per ma e per pè, e sì ’l menà a Venesia, ol sarèf mort là. Guarit che fo Zambò, ol se partì da quei omegn da bé; e andagand^[13] per la tera cercand s’a ’l podiva trovà partit ch’a’ fos per lü, ol passà per le speçirii^[14], e fo vedü da ü speçial, che pestava^[15] mandoi in ü mortér per fà di marzapà, a’ sì ghe domandà s’a ’l voliva andà a stà con lü; e lü ghe respós che sì. Intrat in botiga, ol míster^[16] ghe dé certi cosi de confeziò^[17] da netizà^[18], e sì ghe insegnà^[19] partì i nigher da