[[Categoria:Pagine che usano RigaIntestazione|Straparola - Le piacevoli notti I.djvu{{padleft:333|3|0]]che mala persona, e ch’el faesse intendere a Cecato so marì, e che Cecato po ghe faesse qualche despiasere; per che se l’iera ben grosso, l’iera anche zeloso. Andagando drio Marsilio con gran solecito arvisitare la ca dove stasea la Tia, e guardandola fiso nel volto, a ’l fè sì fatamen^[1], che ela se gh’acorzè che elo iera inamorò in ela. E perzondena^[2] che anche ela per purassè respieti no ghe poea far bona çiera, nè mostrare che anche ela ghe iera inamorà de elo e ’l ben che la ghe volea, la se dolea e se torzea da so posta. Stando un zorno la Tia sola asentà sora un zoco che iera a pè de l’usso de fuora de la ca, e avendo la roca soto al brazo co de la stopa invogià^[3] intorno, che la filava per la parona, venne Marsilio che pur l’avea fato un puo’ de buon cuore; e sì disse a la Tia: Dio ve salve, Tia, ben mio. E la Tia ghe respose: Ben vegnè, quel zovene. — Nosaì-o^[4] — disse Marsilio — ch’a’ me consumo tuto e muoro per vostro amore, e vu no v’in fé conto nè v’in curè^[5] del fato me? La Tia ghe respose: Mo no so ninte mi ch’a’ me vogiè^[6] ben. Disse Marsilio: Mo se u no ’l sai, con gran dolore e passion de cuore adesso mo ve-l digo. E la Tia ghe respondè: Mo ’l sè be mo adesso. Disse in quela volta Marsilio: E u — deh, disì-me^[7] el vero per la vuostra cara fe’! — me vuolì-u ben^[8]? Respose la Tia: Pooh^[9]! Disse Marsilio: E quanto, se Dio v’aìa? — Assè, respondè la Tia. Disse Marsilio: Oimè, Tia; se u me voessè^[10] ben al muò che u me dì^[11], u me ’l mostreressi^[12] con qualche segnale; ma no me ne volì^[13]