Sin strom e sin arclina
En treglia meditond,
Sur vita e rutina
Ves' jeu il mund ruclond.
5 Nu' ei po la ventira,
Beada, biala sort,
Ch' jeu tschaffi cun furtina
E tegni cun maun forz.
Va sur mar ti cun la glina
10 Tutta sera, tutta notg,
Tuorna l' ura matutina
Cull' aurora bein dabot.
Va sur valls e tras brentinas,
Sulla tegia, sul casti;
15 La ventira sgol' adina
Entuorn tei en in rudî.
Dai adatg e tschaffa ella …
Cun caschun e tegn lu ferm,
Sin il strom en tia treglia
20 Ei per ella er' terren!