..Cantul gintei latine". <poem> La latina sco regina Meina las naziuns dil mund, Cun la steila, la divina, Ch' ella porta sin siu frtint. Ella marscha plein luschezia Ordavon allas naziuns, E sin via spir clarezia Ras' en tuttas direcziuns. La latin' ei ina fina, Dultscha giuvna plein incont; Avon ella spèrt s' inclina Gl' jester tut a suspiront. Ell' in rir migeivel spenda Sut in clar e blau azur, Schi plascheivel seresplenda En la mar plein terlischur. La latina, che domina Sur tresors d'immens valzent, Cun las soras part' adina Quels tresors da cor bugient; Mo terribl' ei grêta sia, Cu la marsch' en il conibat Cunter criua tirannia, Per honur e libertat. La latina, la regina, Ha ni tema ni sterment, Cu '1 Derschader examina Ell' il di dil truament. Ella di cun vusch sonora: „Jeu hai, admirada zund, Dign, o Segner, dign trasora Tei representau sil nurari!"