Lis montagnis in coròne
bièl turchinis di colór,
e la név de mònt Çhanine
che sòt sère ’e fàs splendór;

e, par tant ch’al còri il vóli,
cuànd che il cil al è plui clar,
pràds e çhamps, paisùts e gravis,
e il barlùm lontàn dal mar.

Dòme, un rèful di chèl àjar
nus darès cuàlchi solév;
dòme il sal des néstris aghis
studarès la néstre séd;

dòme un raj di chèl soréli
sçhaldarès i néstris uès;
dòme un bùs di chés polzètis
torna zòvins nus farès.