Sura Peppina, n’hoo pien i cojon
De sentimm tult’el dí a rosegá,
E la m’ha sauasi rott la divozion
Con quel maíadettissim borbotta.

Per mi ghe parli ciar, senza (ínzion,
A sta manera no poss seguita.
E vuj minga giontagh la complession
Per fa rida i cojon e poeu creppá.

Finalment giá nun duu no semm sposaa,
El divorzi pomm fall senza avvocatt,
Che i division tra nun hin subet faa:

Lee che la me trasmetta el me ritratt,
E mi anca mi; e quell ch’è faa è faa
E da stoo dí sien rott tutt i nost patt.