Su in cao a chela gerta,
co l troi pò l olta in do,
en brazacol al vent
gh è dat a boca verta.

El m à inpienì de amor,
el m à slissà le galte,
… el m à mordest el cor.

È sentù l ciolà de osei,
el ride de i nos boce,
… i zich de chei fradei.

È vedù fagher e onere,
bondanza e alegria,
… ma anca n grum de guere.

È saià bone e rosse fraghe,
e arcuanta roba dolza,
… ma istes dolor e piaghe.

È cantà a ste bele val,
è ciamà la bona dent,
… è piandù de i nossi mai.

Su in cao a chela gerta,
sianca che sie calt,
me cor su per la schena
i sgrizoi de sta berta.