Ale negre a sgolà
nt i pensier pi aut
del to ziel e del mè
che no cata negunc;
e diron a zercà
dantre sfese de crode
slissade dal vent
na coa segura
par scanpà da la not
dai pericoi del di.
Scuerdeme de careze
come nev sul mus-ce
come fuoie lediere
te l incantà de fardima.
E se le tue maign
proa solche a me sfiorà
mi vede su la pel
segn che no cognosse
ma rencure inte la ment
par podé te parlà
anca intant che no t es
ti t es senpre con mi.
Scuerdeme de basi
come fiori de viola
sui prai che verdis
de profumi d insuda.