Intrettanta ei b«ll dí de Tutt i sant
Dopo i dottrina invers l’ora di tre
Ciappi la donna in aria de marciant
E content tutt e duu come duu rè
S’inviem a la Scara ben d’incant,
E lá se postem per i prirnm del pc
De la porta sarada del lobbion
Col noster bravo cuu pondaa a l’us’cion.

Passa i tre, passa i quatter, i cinqu or,
S’impieniss de person tutt el pasquee^[1],
Chi mangia, chi gingina, chi descor.
Chi ziffola, chi ria, chi fa el scocchee^[2],
Chi se scolda la pissa^[3] e fa sussor
A contra di impresari del soree^[4]
Che goden i soeu comed e fan grassa,
E no gh’han nanca el pubblegh per la cassa^[5].

Ma a furia de specciá poeíi fínalment
Solten voltra anca lor sti lizonon
Che in mezz ai urla e ai fís’c plazidament
Se derven la calcherá^[6] coi button^[7],
E quand me riven lí ben ben d’arent^[8],
Quell denanz cont i ciav e col lampion
Con tutta grazia el me sgombetta^[9] el venter
E el me dis: Allon, fort, s’emm d’andá denter.

Mi però tant e tant tegneva dur;
Ma in tra che Teva l’uss d’on’anta solla
De derviss in canton attacch al mur,
E in tra, che in del derviss la cress la folla,
Zonfeta, tutt a on bott me tran lá al scur
A giucá^[10] appos a l’anta al tiramolla,
Tant che s’ciavo miee^[11], s’ciavo prim post.
L’è ona grazia del ciel a salva i cost.