L’ann passaa, giust de sti dí
Me regòrd — che qui] milord
Me l’han missa in cinqu quattrin^[1],
Ch’han tentaa de casciann chi
Di bonn lamm per spongá el vin^[2].

El san ben Buragh, Tradaa,
Montaveggia, Oren, Magenta,
Canegraa, Busser, Masaa,
Pillastrell, — Siron, Groppell^[3],
Quanci lacrem, qua ne sospir,
Quanci affann, quanci dolor
M’hin costaa quij so bei fir^[4],
Quij so toppi^[5], quij vidor.

Adess mò hin fornii i pagur;
Fiadem, godem, semm sicur:
L’Inghilterra, per adess.
La pò fa liga coi pess,
Che tra nun — gh*è píi nessun
Che ghe loggia ai so bambann^[6]:
L’ha beli pari lee a casciann,
Ma denanz fanni rizev,
Sí, coco, doman de sira!
Per menná l’Europa a bev
Ghe voeur olter che la bira.

Intrattant semm franch del dent^[7]
E i nost vin
Cont i vesin
Cont i amis, cont chi ne pias
I emm de bev eternament
Cont el coeur viscor^[8], in pas.

Ma sto stát de quiett, de piasè,
A chi l’è — ch’el se dev chi giò in terra?
Alla forza, al coragg, al savè
Dell’omm unegh in pas come in guerra.