Bravo! bravo! l’ha faa propi polid
A tceuss d’inlorna quij bacaj²; insci
Poss cuntagh ona scenna da fall rid,
Che no la cuntarev se fussen chi:
Che di voeult, nèe, giá el sa.... se dis pQ e men,
E ogni busca per lor l’è on car de fen.

Quatter ex-monegasc, sor Benedetta,
Sor Anna, sor Eusebia, e sor Martina,
Viven insemma, e fan tra lor casetta
In cá don collaron della dottrina,
Fceura di pee del mond, lá passaa el foss³
Tra sant Vicenz di raatt⁴ e sant Caloss.

Paghcn el ficc a furia de rosari,
Gh’han el so bon livell, gh’han la pension,
Dò convers che je serv senza salari.
La soa gesa li arent⁵ voltaa el canton,
El £Ò comed e el pozz denter de l’uss.
La soa gatta e ’I stornell che dis: Esuss.

De teolegh, de prel, de confessor.
Tra quij che disnen -dal padron de cá
E tra quij olter che van sii de lor
A portagh cott e cames⁶ de rizza,
Ghe n’han in frega tutt’el di on brovetl.
De podess consulta su tutt i pett.

Oltra el rest di vantagg, gh’han sora numer
Quel de sta arent de cá a la mia personna,
Che fan cor tutt el dí per trii cocumer⁷,
E quell’olter de vegh anch la mia donna
Che fa la sarta, e la ghe dá i tassij⁸
Per fa i abet⁹, i agnuss¹⁰ e i coverei).

Hin quatter donn insomma de la somma
Che podaraven, a vorrend, sta mej
Milla voeult pussee lor ch’el papa a Romma,
E andá in paradis grass come porscej;
Eppur, sur sí, che ghe n’han semper vuna
De cruzziass, de marsciss, de batt la luna.

On poo ghe l’han, perchè in del sabet grass
Ballen fina passaa la mezza nott;
On poo per via di donn che van a spass
Con la coppa¹¹ coi brasc, col stomegh biott;
On poo coi vestinn sirene e tiraa-in-cull,
Che mostren tutt la grazia del bauli.

On dí ghe l’han, perchè Monscior Scirin¹²
L’han traa in despart de ministra la cresma;
On dí, perchè se stampa el Tamborin¹³,
O perchè fan teater in Quaresma,
O perchè a Monscia voeuren fa Arzipret
On nan, de fa scurtá tutt i pianet.

Lor se cascen, perchè de venerdí
Van voltra i polliroeu a vend pollaster;
Per i scoeul di tosann che han de derví,
Certi scoeul, soeuja mi, faa con l’incaster¹⁴;
Per i stamp scandalos, per i picciur.
Per quij che pissa in straa lontan del mur.

Ma el bordell, el bòesg¹⁵, el diavoleri.
Le staa jer e l’oltrer; streppet, deliqui,
Girament, convulsion, on affar seri,
Che ha traa sott sora asee, spiret, reliqui,
Pret, cioccolati, ex fraa, chiffer¹⁶, devoti,
E trasaa¹⁷ mezz la scorta di bescott.

E tutt sto ruzz, tutt sto spuell¹⁸ per via
D’on besasc d’on bcgliett¹⁹ che hoo portaa a cá,
Che ha rezevuu de Komma²⁰ don Tobia,
E che m’han mandaa a tocíi fina giò lá
A San Vittor, in tra la voeuna e i dò,
Dove el dis messa per mezz aucc de bò²¹.

Don Disma, don Rodolf, don Tranquillin,
Don Lorenz, don Clement, don Mansueti,
Don Pio, don Saveri, don Igin,
Don Cels, don Samuel], don Anicett,
Don Romuald, don Lazzer, don Fedel
G’hin cors adree pesg che ne i mosch al mei.

L’han leggiuu tante voeult e releggiuu,
G’han faa su tant calmeri²² e tant paroll,
L’hoo sentuu tante voeult e strassentuu
Che, sanguanon! ghe giughi l’oss del coli.
Se no gh’el disi su ciaf, nett e s’cett.
Senza toeugh via ne giontagh on ett.

" Amico caro (el dis): Romma, li sedici
" Aprilo milla e votto cento vinti.
" Pur troppo (el dis), no hin lingui maledici,
" Ne cosse (el dice), menzonieri o finti
" Quelle che (el dis), se diceno de voi²³
" Circa al Governator nostro de noi.

" Ma Dio (el dis), per nostro vilimento
«L’ha talmente cecato, che de dopo
«Trasato in donne e giogo el puntamento²⁴,
" E prenduto gran debiti sul gropo,
" No l’ha possuto, (el dice), condemeno
" E dacchi e dacchi²⁵, Je sbottire on pieno.

" Se dice, (el dis), che el Cardinal Decane
" A furia de dá ment a la gran spesa,
" Naccorcendose (el dis), che el dava mane,
" Asca²⁶ al resto, al dinaro de la Gesa,
" El sia corruto a squajar²⁷ tutto al pappa,
" Che l’ha ordenato subet ch’el se ciappa.

" Ma lu, el puttasca (el dis), ch’el s’eva dato
" Che se tendeva de cattarlo ladro,
" L’ha fatto el quonía (el dice), e l’ha curato
" El contrattempo (el dis), che el santo Padro
" L’èva in estasi in l’aria in del dir messa,
" E chi t’ha fallo.... l’è girato in pressa.

" In circa al resto (el dis), la piú segura
" L’è ch’el sia navigato in del Levante,
" In dove a st’ora (el dice), addio tonsura,
" L’è forse giá quattata²⁸ col turbante;
" E in dove a st’ora forse, addio prepuzzi....
" Con che sono di voi — Monsignor Nuzzi n.

Sott poeíi gh’eva on poscritt, che in del sentili
Sguagniven²⁹ tutt e quanti come scin³⁰;
On poscritt malarbett, che per capili
Boeugna vess religios, savè el latin,
Ma mi ignorant, in quanto sia de mi,
N’hoo capii olter ch’el diseva insci:

Poscritto: n Monsignore Monticello
" L’è stato jeri in pubblico cattato,
" C’el fava, el dice, da Guglielmo Tello,
" E l’infilzava el pommo ad un soldato
" Sguizzerò de la guardia pontifízia,
" E fu menato sopra alla giustizia n.

Chi insci d’accord tutt quant in tra de lor,
Che sti scandol no hin che i conseguenz
Di nost peccaa, de l’ira del Signor,
S’hin miss a intrequeri qui] reverenz
De che razza fudessen sti boltrigh,
Che ne tirava al ghicc sta sort d’ortigh³¹.

Don Romuald, don Lazzer e don Pio,
Che hin in cura d’anem tutt e trii,
Han ditt ch’el fuss el pocch timor di Dio
De dá certi candir stremii stremii
In di battesim e in di funeral,
E de vorè tassa i list³² parrocchial :

Che in di busser³³ di ces e in quij de strada
No ghe se troeuva d’olter cne quattritt;
I mess scars, l’elemosina impiccada,
1 parecchi infesciaa de poyeritt,
La eros de legn in aria a tutt i vent³⁴,
E la becca³⁵ frustada per nient.

I francescan don Cels e don Clement
Voreven che nassess tutt el bordell
Dall’avegh tolt a lor i socú convent;
E l’ex domenican don Samuell
El giurava, che l’èva per reson
D’ave abolii la Santa Inquisizion.

Sòr Usebbia, anca a nomm di camarada,
La pretendeva inscambi che st’istoria
La prozedess da quella baronada
De ayej descasciaa lor de la Vittoria³⁶,
Soggiungend tutt insemma a quatter vós:
Che sevem quei che candidava i nós³⁷.

Don Fedel, don Igin, che hin pret de cá
Dona Marchesa e d ona Baronessa,
Daven la colpa a quella de faj sta
Digiun (ina a mezz dí per digh la messa;
E on poelta d’on pret, on cert don Disma,
Le tra va tutt’adoss al Romantisma.

Finalmenl on rangogn³⁸ d’on pretascion,
Ch’el m’era settaa ciò giusta per mira,
Ch’el ciammen el Polpetta de rognon
E el pesará pès bruti cent trenta lira,
El me infilza in del muso ona vistada
De can cors, e via el va con st’infílada:

Mi ghe diroo, mi sí che ghe diroo
I reson perchè Dio el ne svargella
Seiua nanca dí: vnrda che te doo!
Hin i aitar stravaccaa su la bradella³⁹,
I ges in vituperi, e i sazerdott
Sii per sii⁴⁰, mori de famm, magher e biott.

Hin el gran ciallonismo di mari
De lassass mena a vóltra per el nas
(E chi el vardava fiss in faccia a mi)
Dai miee, e lassagh fa quel che ghe pias:
Spés sora spés, senza vardass dintorna
Se vegnen da la guggia, oppur dai corna.

Hin la golascia, la leccardaria
De sti operari, de sti mezz-camis:
In cá miseria, raccol⁴¹, calestria,
La baldoria in di boeucc⁴² in di bois⁴³;
Ciocch sora ciocch, robba, danee, temp persi
(E zonfeta on’oggiada per travers).

Hin la birbada de lassa i fíoeu
In strusa per i straa, per i pasquee,
A fa l’ozios, el tóff, el borsiroeu,
Senza dá a ment se biggen el mestee⁴⁴,
Se van a messa in festa e a la dottrina....
(E li traffeta on’oltra lampadina)⁴⁵.

Hin quell’oss in la s’cenna, qui] bosij,
Qui] córs⁴⁶ in sui fattur, in su la spesa,
Quel pettá i vizi a caregh di lo5Ugh pij,
Quel godegh tutt a gratis a la gesa.
Quel dí maa di patron tutt quant el dí....
(E li ^aj! quij duu oeucc adoss a mi).

Hin l’ardiment de sti spantega-strasc
De toeunn⁴⁷ nun pret per gent come se sia,
De tira el nost tabacch con quij didasc,
De settass giò a descor in compagnia....
Balossi.... porci.... malcreati.... infamm!...
(Acqua! sta voeulta l’ha volsuu bisiamm)⁴⁸.

Ah fiol d’ona negra! adess capissi
(Dighi in del coeur) con chi el parla sto can:
Me se s’ciara el cerve! ; me secudissi⁴⁹,
Pesseghi a alza del scagn el fabrian,
E polid si, ma franco, ma dannaa,
Te ghe respondi in sta conformitaa:

Senza tant ch’el se scolda a descuttí,
Col ris’c de deslenguass ona mezzenna⁵⁰,
Anca mi ghi diroo, chi diroo anmí
I rcson perchè Dio el ne pcccenna,
I reson [>erchè el tas e el lassa cor
De quij bej coss cossett di so Monscior.

Hin l’avarizia porca malarbetta,
Che in paricc de lor sciori Tè quell vizzi,
Ch’el par taccaa a la vesta e a la goletta⁵¹,
On obblegh meneman come l’ofBzzi:
Quei! c’ha inventaa sacchilt, busser, bascir⁵²,
Noli de cardegh, e dazzi de candir.

Hin quell mercaa de inceri de cotta e stolla,
De mess, de vós, de aria de polmon,
De esequi, de micchitt de sant Nicolla⁵³,
De catafalchi suffragg, benedizion,
Quell traffegh d’angonij a on tant al bott⁵⁴,
E quell fa mai nagotta per nagott⁵⁵,

Hin quij corp⁵⁶, quij trasport de caritaa,
Quij vesper, quij compiett, quij mattutin
Pettaa lá de nojaa, de desgarbaa,
Intersiaa de flatti e cicciorin⁵⁷,
De sbaggiad⁵⁸, de sbarlceugg de sciá e de lá⁵⁹,
E de no vede l’ora de andá a cá.

Hin quell dass a d’intend de vess dritt dritt
Su la strada battuda da Gesú
Cont el dá mai nagott ai poveritt,
Col trattaj d’alt in bass e casciaj sii,
E col vess de so pè⁶⁰ critegh eterna
De tutt i novitaa che fa ’I governa.

Hin quell predica semper el digiun,
E cerca i mej boccon d’impí el tarlis;
Quell de dann del golos, del porch a nun
Per on poo de bojacca de bois⁶¹,
E credes lor l’ottava maraviglia
A spazza vott, des piatt anch in vigilia.

Hin quell de fa servi la religion
E i obblegh de conscienza per roffian
Di so vendett, di so persecuzion,
O per fa dá on impiegh a on balandran⁶²,
A on storta-coli, a on furb, che gh’abbia el meret
D’avegh basaa la tonega e 1 preteret.

Quist chi, quist chi puttost hin i belee⁶³,
Che moeuv la pest, la famm, la calestria;
Che fa vegní de Romma quij palpee
Che scriv monsignor Nuzzi a don Tobia:
Hin quist, per brio, e no gh’è ball che ten,
N’eel vera lú? ch’el diga, ho parlaa ben?