Catto! el me dis, che i soeu paroll toscann
Hin tutta grazia, tutta ziviltaa,
E poeu el ne sgogna dopo a brazz de pann,
Senza che gh’abbiem faa ne ben ne maa?

Ma catto! s’el voreva strapazzann,
El doveva almanch fall in sbottasciaa¹,
Sbassass, come el dis lu, trattann, parlann
Cont el lenguagg di goff e di rabbiaa!

Insci mo, coss’hal faa con la sua piatta?²
L’ha sassinaa de pianta i soeu argoment,
E el se desfaa líi de per lú la fatta:

E col vorrò sta sii e fa el caga in l’olla³,
L’ha obblegaa a volzass nun per stagh arent,
E a digh sii in bon toscan:»S/e//e che chiolla!