El sará vera fors quel ch’el dis lu¹
Che Milan Ve on paes che mett ingessa²,
Che l’aria l’è maliana, umeda, grossa,
E che nun Milanes semm turlurú;

Impunemanch però, el me sur Monsíi,
Hin iredes ann che osservi d’ona cossa
Che quand lor sciori pienten chi in sta fossa
Quij benedetti verz³, no i spienten píi.

Per resolv a la mej sta question,
Monsíi, ch’el scusa, ma no poss de men
Che pregali a adattass a on paragon.

On asen manteguuu semper de stobbia⁴,
S’el riva a zaffa⁵ biava e fava e fen,
El tira giò scalzad⁶ fina in la grobbia⁷.